Puntzio lehorra baimendutako fisioterapeutek erabiltzen duten teknika espezializatua da. Sistema muskulueskeletikoa tratatzeko erabiltzen da, min patroien, muskulu disfuntzioaren eta pazientearen hasierako ebaluazioa egin ondorengo beste seinale eta sintoma ortopediko batzuen arabera.

Puntzio lehorra fisioterapia tratamendua da, eta giharretako mina (min miofasziala), trigger-point-ak eta beste gaitz muskulueskeletiko batzuk hobetzeko erabiltzen da. Orratz oso fina erabiltzen da (akupuntura egiteko erabiltzen direnen antzekoa) eta muskuluan sartzen da mina murrizteko. Eskuzko tratamenduan ez bezala, teknika honek eremu sakonagoetara iristeko aukera ematen du, eta ondorioz, patologia batzuetan oso teknika eraginkorra da.